پارتەکەى ئەردۆغان: هەڵوەشانەوەى پەکەکە قۆناغێکى گرنگە

964+

وریا فەتاح

دواى بڕیارى خۆهەڵوەشاندنەوە و دانانى چەک لەلایەن پەکەکەوە، پارتەکەى ئەردۆغان یەکەم کاردانەوەى راگەیاند و دەڵێت: هەڵوەشاندنەوەى پەکەکە خاڵێکى گەورەیە بۆ گۆڕانکارى.

عومەر چەلیک وتەبێژى پارتى داد و گەشەپێدان کە ئەردۆغان سەرۆکایەتى دەکات، رایگەیاند: بڕیارى پەکەکە بۆ خۆهەڵوەشاندنەوە و وازهێنان لە چەک، هەنگاوێکى گرنگە بۆ گۆڕانکارى و تورکیایەکى “بێ تیرۆر”.

“ئیرادەی سیاسی باڵای سەرۆکەکەمان بۆ “تورکیایەکی بێ تیرۆر” و رێبازە هەمەلایەنەروونەکەی بۆ سیاسیەتى دەوڵەت، هەروەها هەڵوێست و رێنماییەکانى دەوڵەت باخجەلى بۆ بەهێزکردنى بەرەى ناوخۆ پێکهێنانى گفتوگۆیەکى بەرهەمدارانە، هەنگاوێکی گرنگە لە رووی ئامانجی “تورکیایەکی بێ تیرۆر” و دەرگای سەردەمێکی نوێ دەکاتەوە”، عومەر چەلیک وا دەڵێت.

جەختیش دەکاتەوە کە بڕیارەکەى پەکەکە دەبێت بە هەموو رەهەندەکانی جێبەجێ بکرێت کە خۆى دەبینێتەوە لە خۆهەڵوەشاندنەوە و رادەستکردنەوەى چەک و هەڵوەشاندنەوەى پارت و پێکهاتە نایاساییەکان.

پە*کە*کە خۆى هەڵوەشاندەوە و کۆتایى بە خەباتى چەک هێنا

زانیارى زیاتر دێت…