یاریان بە چەرخ و فۆم کردووە و پێیاندا تەقیوەتەوە
پێنج منداڵ لە کۆمەڵگەی سێبیران سووتان
964+
عەبدولعەزیز خالند – هەولێر
لە گوندی قەڵاچۆغانی سەربە کۆمەڵگەی سێبیران پێنج منداڵ، کە یاریان بە چەرخ و فۆم کردووە و پێیاندا تەقیوە و هەر پێنجیان بریندار بوون.
سەید هاشم، کەسوکاری منداڵەکانە ئەو زانیاریانەی بە 964 راگەیاند و وتی، منداڵەکان لە ژوورەوە یاریان بە چەرخ و فۆم کردووە و پێیاندا تەقیوەتەوە و هەر پێنجیان بریندار بوون.”
وتیشی، برینی دووان لە منداڵەکان سەختە، ئێستا لە نەخۆشخانەی ئیمێرجنسی شاری هەولێرن و چارەسەر وەردەگرن.
باسی لەوەشکرد، تەمەنی منداڵەکان لە نێوان دوو بۆ هەشت ساڵاندایە، دووانیان کچن و سێ کوڕن و خزمی یەکترن.
پێداچوونەوە: ژێوار خدر
