بریکارەکانی بچن بۆ خۆراکی هەولێر و پارەش بۆ ناسنامە بەرن

964+

ئەحمەد مستەفا

بریكارەكانی خۆراك، دەبێ سبەی پێنجشەمە سەردانی بەڕێوەبەرایەتی بازرگانی و كەلوپەلی خۆراكی هەولێر بكەن، بۆ وەرگرتنەوەی لیستی بریكاری خـۆراك و پێشكەشكردنی پارەی لیستی بریكاری.

ئەو بریكارانەی تا ئێستا ناسنامەی بریكارییان وەرنەگرتووەتەوە، دەبێت بڕی 16 هەزار دینار زیاتر داخلی ڤیزەكارت بكەن بۆ وەرگرتنەوەی ناسنامەی بریكاری ساڵی 2025.

ئەم مانگە: زەیت، شەكر، برنج، نیسك، لەتکە نۆک، نۆك و دۆشاوی تەماتە دابەش دەکرێ.

خۆراکی هەولێر دەڵێ، دوو مانگی رابردوو بەشێكی زۆریی هاووڵاتییان زەیتیان وەرنەگرت، ئەم مانگە گەڕاوەتەوە و وەریدەگرن.

هاوکات چەند مەرجێك بۆ بریكارەكان دیاری كراوە كە ئەمانەن:

ئەو بریكارانەی تا ئێستا ناسنامەی بریكارییان وەرنەگرتووەتەوە، بڕی 16،000 دینار زیاتر داخلی ڤیزەكارت بكەن بۆ وەرگرتنەوەی ناسنامەی بریكاری ساڵی 2025.
بۆ وەرگرتنەوەی لیستی بریكاری خۆراك و شێوازی پارەدان، دەبێ ڤیزەكارتی بانكی (جنوب ئیسلامی) هەبێت.
هەر بریكارێك پێشەكی پارە پێشكەش نەكات و لیستی بریكاری نەباتەوە، بەشەخۆراكی بۆ ناچێت.

حكومه‌تى عێراق دروستکردنی کارتی ئەلکترۆنی بەشەخۆراک لە پارێزگای هەڵەبجەوە دەستپێدەکات