سێ هاوڵاتی لە رێگەی سەیدسادق – هەڵەبجە گیانیان لەدەست دا

+964

بڕوا مەجید – سەیدسادق

لە رووداوێکی هاتوچۆدا لەسەر رێگای سەیدسادق – هەڵەبجە، سێ هاوڵاتی گیانیان لەدەست دا.

بەرزان خالید، کارگێڕی ئێشگر لە نەخۆشخانەی گشتیی شەهید شەوکەت لەسەیدسادق، بۆ 964 وتی، “بەهۆی رووداوێکی هاتوچۆ لەسەر رێگای سەیدسادق بۆ هەڵەبجە نزیک گوندی تەپەڕەش، كە لە جۆرى وەرگەڕان بووە، تەرمی سێ کەس گەیەندرایە نەخۆشخانەکەمان، کە دوو ژن و منداڵێکی تەمەن 7 ساڵن، هەربەهۆی رووداوەکەشەوە کەسێک بە برینداری گەیشتووەتە لامان تەمەنی 30 ساڵ دەبێت و لە رەگەزی نێرە، ئەویش برینەكەی سەختە”.

بەرزان خالید، وتیشی” تەرمەکان رەوانەی پزیشکی داد دەکرێن و بریندارەکەش دوای چارەسەری پێویست دەنێرینە نەخۆشخانەی سلێمانی”.

پێداچوونەوە: ئەرسەلان عەبدوڵا