"تاقیکەرەوە و خۆت وەسفی بکە"
شەربەتی مێوژ بە بەفرەوە لە مەشکەدا
964+
دیلان محەمەد- سلێمانی
بە شۆفلێتێکی ساڵی پەنجاکانەوە شەربەتی مێوژ بە بەفرەوە لەناو مەشکەی کوردەواری دەفرۆشێت و دەشڵێت، تاقیبکەنەوە و من هیچ ناڵێم خۆتان وەسفی بکەن.
ئەم گەنجە بە دانای ئەنتیکە فرۆش لە سەهۆڵەکەی سلێمانی ناسراوە، لە فێستیڤاڵ و بۆنەکان بەم شۆفێلێتەوە شەربەتی مێوژ لەناو مەشکەدا دەفرۆشێت، بۆ 964 وتی، مێوژی سروشتیە و بەفری دەستکردم بۆ هێناوە، نامەوێ وەسفی ئیشەکەی خۆم بکەم و ئەوەی منی دیبێ و لێی خواردبێ بەردەوام دەبێ”.
وەک باسی دەکات زستان شیری شێرەکە دەفرۆشێت و لەم وەرزەشدا کە کەشەکەی گەرمە بە بەفرەوە مێوژی مەشکە پێشکەش دەکات، ئۆتۆمبێلەکەشی هەرچەندە قەدیمە باش کاردەکات.
پێداچوونەوەی: پەری ساڵح
