لە گوندێکی پێنجوێن 18 کورەی خەڵوز تێکدرا 

964+

توانا نەقی

لە یەکێک لە گوندەکانی سنووری پێنجوێن کە پێشتر رایانگەیاندبوو ناهێڵن کەس سروشتی گوندەکایان تێکبدات و گەشتیار گیای بەهاری بکات، لەلایەن پۆلیسی دارستانەوە توانراوە دەست بگیرێت بەسەر 18 کورەی خەڵوز و تێکێوپێکبدرێت.

ئەمڕۆ پێنجشەممە، پۆلیسی دارستان و ژینگەی سلێمانی بڵاویکردەوە، لەلایەن بنکەی ناڵپارێز و گەرمک و هەروەها ئاسایشەوە دوای گەڕان توانیویانە لە گوندی شێرە کە سەر بە ناحیەی گەرمکە ئەو 18 کورە خەڵوزە بدۆزنەوە.

کورەکان بە نایاسایی دروستکراون و داری بڕاوەی ئەو شاخو کێوەیان بەکار هێناوە بۆ دروستکردنی خەڵوز.

دەشڵێت، بەدواداچوون بەردەوامە بۆ دۆزینەوەی سەرپێچیکار و هاوکات پەڕاوی لێکۆڵینەوە رێکخراوە بۆ دادوەری لێکۆڵینەوە بەمەبەستی وەرگرتنی رێکاری یاسایی.

هەر پێرێ خەڵکی گوندی شێرە لە رێگەی ڤیدیۆیەکەوە پەیامی ئەوەیان بڵاوکردەوە کە رێگە نادەن هیچ گەشتیار و کەسێک بۆ کردنی گیای بەهاری سەردانی گوندەکەیان بکات و سروشتی ناوچەکەیان تێکبدات

+2