لە جەژندا نزیکەی پێنج هەزار تۆن خۆڵ و خاشاک لە هەولێر کۆکراوەتەوە

964+

ژووری هەواڵ

لە ماوەی سێ رۆژی جەژنی رەمەزاندا، نزیکەی پێنج هەزار تۆن زبڵ و خۆڵ و خاشاک لە سنووری هەولێر کۆکراوەتەوە.

بەڕێوەبەرایەتیی خزمەتگوزاریی ژینگەپارێزی هەولێر رایگەیاند، لە شەوی پێش جەژنەوە وەک ئامادەکاری جەژن لە هەموو بازارەکانی شار کاری خاوێنکردنەوە کراوە، تا دوای داخستنی دووکانەکان پاشماوەکانیان پاککراوەتەوە، شەقامەکانیش خاوێنکراوەتەوە و تەنیا لەو شەوەدا 957 تۆن زبل و پاشماوە رەوانەی زبلخانەی کانی قرژالە کراوە.

لە هەر سێ رۆژی جەژندا، تیمەکانی پاککەرەوە، چوار هەزار و 860 تۆن زبڵ و پاشماوەیان لە هەولێر کۆکردووەتەوە و شەش هەزار و 956 تۆن زبڵ و خاشاکیش بە مەبەستی چارەسەرکردن براوەتە زبڵخانەی کانی قرژاڵە و ژێر خاک کراوە.

“ئەوە جگە لە کارە بەردەوامەکانی بەرێوەبەرایەتی خزمەتگوزاری و ژینگەپارێزی لە دابین کردنی خۆراکی رۆژانەی بۆ شەلتەری ئاژەڵە بێلانەکانی هەولێر”، بەڕێوەبەرایەتی خزمەتگوزاری ژینگەپارێزی هەولێر وا دەڵێت.

خۆڵ و خاشاکەکەی گۆڵی پاککرایەوە و حاویەشی بۆ دێت