شاری سلێمانی. فۆتۆ: وەزارەتی شارەوانی
"گەشتیارێکی زۆر هاتووە"
هۆتێلەکانی سلێمانی پڕ بوون و جێگای مانەوە نەماوە
964+
دیلان محەمەد جەزا
لە سلێمانی بەهۆی هاتنی گەشتیارانەوە ئەمشەو جێگا نەماوە لە میوانخانە و هۆتێلەکانی و پێشبینی هاتنی زیاتری گەشتیار دەکەن.
مەحمود تۆفیق سەرۆکی کۆمەڵەی میوانخانە و چێشتخانەکانی سلێمانی بە 964ـی وت، ئەمڕۆ بەهۆی هاتنی رێژەیەکی زۆری گەشتیارەوە جێگا لە هۆتێل و مۆتێلەکانی شاری سلێمانی و قەزای دوکان نەماوە.
باسی لەوەکرد، لە شاری سلێمانی 380 هۆتێلی گەشتیاری و میللی هەیە و توانای لە خۆ گرتنی نزیکەی 30 هەزار گەشتیاریان هەیە.
گۆران قادر وتەبێژی گەشتوگوزاری سلێمانی بە 964ـی وت، زۆرینەی گەشتیارەکان لە خواروی عێراقەوە هاتوون و چەند گروپێکی گەشتیاری ئێرانیش هاتوون بۆ جەژنی رەمەزان.
ئەوەی خستەڕوو، بۆ ئەمڕۆ رێژەیەکی زۆری گەشتیار سەردانی سلێمانیان کردووە و پێشبینی دەکرێت بۆ سبەینێ ئەو رێژەیە زیاتر ببێت.
پێداچوونەوە: توانا نەقی
