هاوڵاتییەكی لەسەر رێگای زەڕایەن بۆ دەربەندیخان گیانی لەدەست دا

+964
بڕوا مەجید – شارەزوور

ئێوارەی ئەمڕۆ شەممە 29.3.2025 بەهۆی رووداوێکی هاتوچۆ لەسەر رێگای  ناحیەی زەڕایەن بۆ دەربەندیخان، نزیک گوندی میرەدێ سێ ئۆتۆمبێل بەیەکیاندا کێشا و پێشمەرگەیەک گیانی لەدەست دا.

رووداوەکە لە نێوان سێ ئۆتۆمبێل بووە، بارهەڵگرێکی سووتەمەنی لەگەڵ نیسان سەنییەک و کامریەک.

سەید سالار، کارگێڕی ئێشگر لە نەخۆشخانەی گشتی شەهید رەئوف لە شارەزوور بۆ 964 وتی : کاتژمێر 5:30 خولەكی ئێوارەی ئەمڕۆ بەهۆی رووداوێكی هاتوچۆ، تەرمێک گەیەندراوەتە نەخۆشخانەکەیان کە بە ناسنامەکەیدا دیارە کوردە و نێرە و تەمەنی  31 ساڵه، خەڵکی کەرکوکە و پیشەی پێشمەرگەیە، دواتر تەرمەکەی رەوانەی  پزیشکی دادی سلێمانی کرا.

پێداچوونەوە: ئەرسەلان عەبدوڵا

لە کەلار سێ رووداوی هاتوچۆ لە یەک رۆژدا روویانداوە

+1