چهند دیمهنێكی وێستگهكه ... وێنه: كارهباى راپهڕین.
دوو مانگى دیكه تهواو دهبێت
پڕۆژهیهكی گرنگى كارهبا له حاجیاوا جێبهجێ دهكرێت
964+
فهرهاد حهسهن
لە حاجیاوا ماوهى 10 مانگه خهریكی جێبهجێكردنى پڕۆژەیەکی كارهبان كه به “پڕۆژهیهكی گرنگ” ناویان بردووه و دهڵێن لە کۆتایی نزیک دەبێتەوە و بهتهواوبوونى لۆدێكی زۆر لهسهر وێستگهكانى كارهباى سنوورهكه و فیدهرهكان كهمدهبێتهوه.
پڕۆژهكه دانانى دانانی وێستگەیهكی كارهبای موبایله لە رۆژى 6.5.2024 دهست به جێبهجێكردنى كراوه، له رۆژى 20.3.2025 یش قۆناغێکی دیكهی پڕۆژەکە چاککردن و رێکخستنی شوێنەکەى بووه بۆ دانانی ویستگەکە.
كارهباى ئیدارهى راپهڕین دهڵێت، پڕۆژهكه توانای بهرههمهێنانى 25 مێگاوات كارهباى ههیه و لە قۆناغی یەکەمدا شەش فیدەری لێدەردەچێت و بڕیارە لە مانگی ئایاری ئەمساڵ پڕۆژەکە تەواوی قۆناغەکانی جێبەجێکردنی کۆتایی پێبێت.
تێچوی پڕۆژە نزیکەی دوو ملیار دیناره.
بهتهواوبوونى پڕۆژهكه، لۆد لەسەر وێستگەکانی كارهباى چوارقوڕنە و شکارتە و بهههمانشێوه لۆدى سەر فیدەرەکانی هەردوو وێستگە و فیدەرەکانی حاجیاواش كهمدهبێتهوه، ڤۆڵتیهى كارهباش بهرزدهبێتهوه.
له ناحیهكانى قهسرێ و گهڵاڵه چارهسهرى زێدهڕۆیی سهر كارهبا كرا
سێگردكان و گوندهكانى به راكێشانى فیدهرێكی نوێی كارهبا دهحهسێنهوه
