هەواڵەکانی وەرزش
+964
ژووری هەواڵ
عێراق سبەی لەگەڵ فەڵەستین یاریی دەكات
رافینیا دەڵێت ئەرجەنتین تێكدەشكێنین
نیوزیلاند گەیشتە مۆندیالی 2026
ئارنۆڵد تەنیا ماوە واژۆ بۆ ریال مەدرید بكات
لە دەریاچەی دەربەندیخان حەوت راوچی دەستگیر کران - وێنە: پۆلیسی دارستان و ژینگەی سلێمانی
قەدەغەی راوەماسییە و کۆڵنادەن
964+
شۆڕش قادری
سەرەڕای قەدەغەی راوەماسی، راوچیان کۆڵنادەن و چەم و رووبارەکان چۆڵ ناکەن، پۆلیسی دارستان و ژینگەش بەدوایانەوەیە و حەوت راوچی دیکە لەکاتی راوەماسیدا لە ناو دەریاچەی دەربەندیخان دەستگیر کران.
بەپێی راگەیەنراوێکی بەڕێوەبەرایەتی پۆلیسی دارستان و ژینگەی سلێمانی، مەفرەزە هاوبەشەکانی بەشی پۆلیسی دارستان و ژینگەی سەیدسادق و بنکەی بەرزنجە، تەنیا لەماوەی 24 کاتژمێری رابردوودا، شەش دەرچونی مەیدانیان ئەنجامداوە لە ناو دەریاچەی دەربەندیخان لە سنوری گوندەکانی (ناوگردان ، کەڵتەک ، کەڵوڕان ، چەمی دۆمان) و لە دەرچوونانەدا پێنج راوچیان دەستگیر کردووە.
هاوکات بەشی پۆلیسی دارستان و ژینگەی شارەزوور بە هاوبەشی لەگەڵ بنکەی زەڕایەن دەرچونێکیان بۆ سنووری گوندەکانی (قەڵبەزە، بیسەڵمێن، جەردەئاسنە، گوڵان، کانی بەردینە، توەقوت، پیرمەحمود) ئەنجامداوە و دوو راوچیان لەکاتی راوەماسیدا دەستگیر کردووە .
لەکاتی دەستگیرکردنی ئەو راوچیانە دەستیشگیراوە بەسەر نۆ تۆڕ، ئۆتۆمبێلێک، موەلیدەیەک و ژمارەیەک ماسی قەبارە جیاواز کە لەلایەن راوچییەکانەوە راو کرابوون.
بەڕێوەبەرایەتی پۆلیسی دارستان و ژینگەی سلێمانی راشیگەیاندووە، پەڕاوی لێکۆڵینەوە بۆ سەرجەم دەستگیر کراوان و کەلوپەلە دەست بەسەردا گیراوەکان کراوەتەوە و رادەستی دادوەری لێکۆڵینەوە کراوە بۆ وەرگرتنی رێکاری یاسایی.
هەر لە چەند رۆژی رابردوودا چەند راوچییەکی دیکە لە دەریاچەکانی دوکان و دەربەندیخان دەستگیرکراون، ئەوەش لەکاتێکدایە، لە 20ـی ئەم مانگەوە وەزارەتی کشتوکاڵی هەرێم قەدەغەی راوەماسی راگەیاندووە، لە پێناو پاراستی سامانی ماسی و تا 20.6.2025، قەدەغەى راوەماسییە.
