“كەس ناتوانێت رێگری لە كردنەوەی ئاگری نەورۆز بكات”

+964

راژان باجەڵان

ئەم ئێوارەیە لە قەزای خانەقین هاوڵاتیانی كورد رێوڕەسمی كردنەوەی ئاگری نەورۆزیان ئەنجام دا، بەڵام چەند گرووپ و تاقمێكی تایفەگەری هەوڵیان دا كێشە و ئاژاوە بنێنەوە و رێگری لە كردنەوەی ئاگرەكە بكەن.

هاوڵاتیانی خانەقین بەیەكەوە بە پۆشینی جلوبەرگی كورد و وتنەوەی سروودی ئەی رەقیب، ئاگری نەورۆزیان كردەوە و بۆنەكەیان پیرۆز كرد.

یەكێك لە هاوڵاتیانی خانەقین بۆ 964 وتی، خانەقین شاری پێكەوەژیانە و هەموو نەتەوە و ئایین و مەزهەبەكان پێكەوە بە ئاشتی دەژین، ئەگەر خەڵكانێك دەیانەوێت ئەو ئاشتەواییە تێكبدەن، پێیان دەڵێین خەیاڵتان خاوە.

هاوڵاتییەكی دیكە ئاماژەی بەوەدا، پێشتر رێككەوتن لەگەڵ لایەنەكانی دیكەی خانەقین كراوە، كە ئاگری نەورۆز دەكرێتەوە و ئەمە بۆنەیەكی نەتەوەییە، بەڵام هەندێك لایەنی تایفەگەری هەوڵیان دا ئاژاوە بنێنەوە، بەڵام بۆیان نەچووەسەر و ئاگر كرایەوە و نەورۆز و سەری ساڵی كوردی پیرۆز كرا.

پێداچوونەوە: ئەرسەلان عەبدوڵا

"سێ ساڵە بە ئاڵای کوردستانەوە لەسەر قەڵای کەرکوک ئاگر دەکەینەوە"