964+

شۆڕش قادری

هاوشێوەی شار و شارۆچکەکانی دیکەی کوردستان، لە هەولێری پاییتەختیش ئاهەنگی نەورۆز بەڕێوەچوو و لەسەر قەڵا ئاگری نەورۆز کرایەوە.

ئاهەنگەکە بە بەشداری بەشێک لە بەرپرسانی شار و حکومەتی هەرێم بەڕێوەچوو و تیایدا کوڕان و کچانی مەشخەڵ بەدەست چوونە سەر قەڵای هەولێر و ئاگری نەورۆزیان کردووە.

پێشتر ئومێد خۆشناو پارێزگاری هەولێر بە 964ـی وتبوو، لەبەر ئەوەی نەورۆز كەوتووەتە ناو مانگی رەمەزانی پیرۆز، هیچ ئاهەنگ و بۆنەیەك بەبۆنەی نەورۆز بە فەرمی نایەتە ئەنجامدان، تەنیا ئاگری نەورۆز دەكرێتەوە و رێوڕەسمێكی بچوك بەڕێوەدەچێت.

حكومەتی هەرێمی كوردستان بەبۆنەی نەورۆزەوە رۆژانی 21 و 22 و 23ی ئەم مانگەی كردووە بە پشووی فەرمی.

هاوكات لە هەولێر بەبۆنەی رەمەزانەوە، شەوانە بازاڕ و ئاهەنگ و بۆنە لە بەردەم قەڵا و پاركی پێشمەرگە و چەند شوێنێكی دیكە رێكخراوە و تا رۆژانی جەژنی رەمەزان بەردەوام دەبێت.

لە مامەیارەوە یەکەم ئاگری نەورۆز کرایەوە

خورماتوو بە ئاڵای كوردستانەوە ئاگری نەورۆزی كردەوە

964+

وریا فەتاح

لە دوو رووداوى هاتوچۆدا کە ئێوارەى ئەمڕۆ، لە ژاراوە و کۆیە روویانداوە، حەوت کەس بریندار بوون.

لە رووداوى یەکەمدا کە کەمێک لەمەوبەر رێگەی کۆیە-هەولێر لە نێوان دوو ئۆتۆمبێلی تۆیۆتا کامری و تۆیۆتا هایلۆکس، روویداوە، بەپێى وتەى شایەدحاڵێک کە بۆ 964 قسەى کردووە، 5 کەس برینداربوون و رەوانەى هەولێر کراون.

رووداوێکى دیکەى هاتوچۆ کاتژمێر 5ـى ئێوارە لە دەروازەى ژاراوە لە نێوان سێ ئۆتۆمبێل روویداوە.

سەرچاوەیەکى نزیک لە رووداوەکە بە 964ـى وت،” رووداوەکە لە نێوان سێ ئۆتۆمبێلى جۆرى شاهین و مینى پاسێک و تۆیۆتا هایلۆکسێک، روویداوە و بەهۆیەوە دوو کەس بە سووکى بریندار بوون”.

وەک باسى دەکات، بریندارەکان رەوانەى فریاکەوتنى قەڵادزێ کراون.