964+

کاروان ساڵحی – کەرکوک

جێگری سەرۆکی پەرلەمانی عێراق رایگەیاند، سێ ساڵە بە ئاڵای کوردستانەوە لە سەر قەڵای کەرکوک ئاگری نەورۆز دەکەنەوە و ئاهەنگ دەگێڕن.

لەکاتی بەشداریکردنی لە یادی راپەڕین و ئاهەنگی نەورۆز لە کەرکوک، شاخەوان عەبدوڵا جێگری سەرۆکی پەرلەمانی عێراق بە 964ـی وت، “ئەمڕۆ یادی راپەڕینە لە کەرکوک کە وەک دواین خاڵی کوردستان لە ساڵی 1991 رزگار کرا و بەوبۆنەیەشەوە پیرۆزبایی لە تەواوی گەلی کوردستان و خەڵکی کەرکوک دەکەین، لەگەڵ ئەوەشدا، نەورۆز و سەرساڵی کوردییە کە بەلای ئێمەوە بۆنەیەکی گرنگ و یەکجار پیرۆزە”.

ئاماژەی بەوەشکرد، دوای ئەوەی گەڕاونەتەوە کەرکوک، بە ئاڵای کوردستانەوە گەڕاونەتەوە و ئەوە سێ ساڵە لەسەر قەڵای کەرکوک ئاگر دەکەنەوە و ئاهەنگ دەگێڕن.

پێداچوونەوە: شۆڕش قادری

ئەمڕۆ لە سێ شوێنی جیاواز ئاگری نەورۆز دەکرێتەوە

لە مامەیارەوە یەکەم ئاگری نەورۆز کرایەوە

964+

کامیار کەمال- پێنجوێن

فەرمانگەی ئاوی پێنجوێن دەیەوێت پێش دەستپێکردنی وەرزی گەرما زیادەڕۆی سەر ئاوی چەند گەڕەکێک لاببات بۆ ئەوەی توشێ گرفت نەبن.

بەناز بورهان بەڕێوەبەری نوێی ئاوی پێنجوێن بە 964ی راگەیاند، بەشێکی دانیشتوانی گەڕەکی کانی گۆیژ و ناوشاخان ئاوی زیادەیان راکێشاوە و زانیارییان پێگەشتووە لە میراوەکانیانەوە.

وتیشی، ئەمڕۆ لە رێگای مامۆستایانی ئاینییەوە داوایان لە هاوڵاتیان کردووە بۆ ئەوەی هەر ماڵێک ئاوی زیادی راکێشاوە لایببات بۆ ئەوەی هەم چارەسەری کێشەکە بکەن و هەمیش پێویست بە گەڕان نەکات.

ئەوەشی خستەروو، راکێشانی ئاوی زیاد دەبێت هۆی لاوازی ئاو لە کاتی دابەشکردنی ئاو بۆ گەڕەکەکان و کێشە بۆ ماڵەکانی دەورووبەر دروست دەبێت و لە وەرزی کەم ئاویشدا دەبێت هۆی زیادبوونی پێویستی ئاو.

باسی لەوەشکرد، لە ئێستادا کارمەندی پێویستی نییە بۆ گەڕان بەسەر ماڵەکاندا بۆیە داوایان لە قایمقامییەتی قەزاکە کردووە هاوکاریان بکەن و لیژنەیەکی تایبەتیان بۆ دەربکەن لە دوای جەژن بۆ گەڕان و پشکنین.

بەناز بورهان وتیشی، ئەو گەڕەکانەی کە باسیان کردووە بەرەو قەرەباڵغی زیاتر دەڕۆن ئەوەش وا دەکات لە داهاتوودا کێشەی زیاتریان بۆ دروست ببێت.

بەشێکی زۆری ماڵەکانی پێنجوێن بیری تایبەتی خۆیان هەیە و فەرمانگەی ئاویش لە رێگای بیری ئینتیوازییەوە ئاو بۆ هاوڵاتیان دابین دەکەن.