لە خوار 18 ساڵ چوونەتە شوێنەکان
لە سلێمانی شەش هۆڵی گەیم سەنتەر و بلیارد داخران
964+
شۆڕش قادری
شەش هۆڵی گەیم سەنتەر و بلیارد لە سلێمانی داخران، لەبەر ئەوەی کامێرای چاودێرییان نەبووە و رێگەشیان بە مێردمنداڵان داوە بچنە شوێنەکان و یاریی بکەن.
قایمقامیەتی سلێمانی لە راگەیەندراوێکدا بڵاویکردەوە، بەهۆی پابەندنەبوون بە رێنماییەکان و ئەو مەرجانەی بۆیان دانراوە، لیژنە هاوبەشەکانیان هەریەکە لە (گەیم سەنتەرەکانی باڤین، باڤەر لە تاسڵوجە و کافتریای گەنجانی تاسڵوجە، گەیم سەنتەری میللی مۆڵ، بلیاردی جۆکەر و بلیاردی ئاغا لە راپەڕین)یان داخستووە.
ئاماژە بەوەش کراوە، بەپێی راپۆرتی لیژنەی تەکنەلۆجیا و زانیاری، کە سەر بە لیژنە هاوبەشەکانی قایمقامیەتی سلێمانییە، ئەو شوێنانە سەرەڕای ئەوەی وەک پێویست کامێرای چاودێرییان دانەناوە و کاریان پێنەکردووە، رێگەیان داوە کەسانی خوار هەژدە ساڵ سەردانیان بکەن، کە پێچەوانەی رێنماییەکانە.
دوو نەخۆشخانەی ناسراوی سلێمانی داخران
