کەرکوک
دوو برا بەیەکەوە کوژران
964+
کاروان ساڵحی – کەرکوک
کەمێک پێش ئێستا لە گەڕەکی حەجاجی شاری کەرکوک دوو برا بەیەکەوە کوژران.
سەرچاوەیەک لە پۆلیسی کەرکوک کوژرانی دوو براکەی بۆ 964 پشتڕاستکردەوە و وتی، “بەپێی زانیارییە سەرەتاییەکان بەهۆی کێشەیەکی کۆمەڵایەتییەوە رووداوەکە روویداوە.
نوێکرایەوە 5:33
سەرچاوەیەکی تایبەت لە پۆلیسی کەرکوک بە 964ـی وت، بکوژەکە پێشتر چووەتە سەر ماڵی ئەو دوو برایە و پێانی وتوە هەرکەسێک بێتە بەر دەرگاکەیان دەیکوژێت، ئەو دوو برایەش چوونەتە بەردەم دەرگای ئەو کەسە و ئەویش لە کامێرای چاودێرییەوە تەماشای کردوون و دەستبەجێ بە چەکی کڵاشینکۆف هەردوو براکەی کوشتووە.
وتیشی هێزە ئەمنییەکان ئێستا سەرقاڵی لێکۆڵینەوەن لە رووداوەکە.
سەرچاوەکە وتیشی، بەپێی زانیارییە سەرەتاییەکان کێشەکە کۆمەڵایەتییە و بابەتە تیرۆریستی نییە.
دەربارەی دەستگیرکردنی تاوانبارەکە، سەرچاوەکەی 964 هیچ زانیارییەکی دیکەی نەدرکاند ، بەو پێی دۆسییەکە لە سەرەتای لێکۆڵینەوەدایە.
پێداچوونەوە: ئەرسەلان عەبدوڵا
