964+
میلاد جەلال – گەرمیان

دوای ئەوەی دوێنێ دووشەممە 17.3.2025 بەڕێوەبەری پەروەردەی گەرمیان لەگەڵ بەڕێوەبەری قوتابخانەکان کۆبوەوە و باسیان له‌ كردنه‌وه‌ى ده‌رگاى قوتابخانه‌كان كرد، ئەمڕۆ سێشەممە، دەرگای بەشێک لە قوتابخانەکان بەرووی قوتابیاندا کرایەوە.
عیسا ئیبراھیم، قوتابی پۆلی نۆی بنەڕەتیە بە 964ى وت، ئەمڕۆ ھاتوینەتەوە بۆ قوتابخانە و پێیانخۆشە مامۆستاکانیان کۆتایی بە بایکۆت بھێنن و وانەکانیان بخوێنن.
پەیامنێری 964، رۆیشتە بەردەم چەند قوتابخانەیەک لە قەزای کەلار، بەشێکیان دەرگای قوتابخانەکانیان کردبووە و بەشێکیشیان بەداخراوی مابونەوە.
لەدوای کۆتایی ھاتنی تاقیکردنەوەکانی وەرزی یەکەمی خوێندنی 2024_2025، مامۆستایان بایکۆتی قوتابخانەکانیان کرد.
دوێنێ، عەدنان حوسێن، بەڕێوەبەری گشتی پەروەردەی گەرمیان بە 964ـی وتبوو “ھەموو بەڕێوەبەرەکان ئیمزایان کردووە و رازیبوون بەوەی کە لە سبەینێوە دەرگای قوتابخانەکان بکرێنەوە و کۆتایی بە بایکۆت بھێنن”.
وتیشی “سەرجەم قوتابخانەکانی ناوشار و دەرەوەی شاریش لە سبەینێوە دەست دەکەنەوە بە خوێندن و پێویستە قوتابیان بڕۆنەوە دەست بە خوێندنی وانەکانیان بکەنەوە”.
پێداچوونه‌وه‌: فه‌رهاد حه‌سه‌ن

بایکۆتی مامۆستایان لە گەرمیان کۆتاییهات

بەڕێوەبەرەکان لەگەڵ سزادانی مامۆستا بایکۆتکارەکانن

مامۆستا ناڕازییەکان: یەکشەممە بە بایکۆتەوە چالاکی جیاوازمان دەبێ

964+

ئەرسەلان عەبدوڵا

كچێكی كورد بە ناوی شیلان شەهبازیان، كە نزیکەی چوار مانگ بوو لە كەنەدا بێ سەروشوێن بوو، دواجار تەرمەكەی دۆزرایەوە، پۆلیسی كەنەداش زانیاریی لە بارەی شوێنی دۆزینەوەی تەرمەكەی ئاشكرا نەكردووە.

ناش قوبادی، كە ڤلۆگەرێكی كوردە و دانیشتووی كەنەدایە، لە ڤیدیۆیەكدا لە پەیجی خۆی لە فەیسبوك، زانیارییەكانی راگەیاندووە و ئاماژە بەوە دەكات، دوێنێ هەینی 21.3.2025  پۆلیسی كەنەدا مردنی شیلان شەهبازیانیان دووپاتكردووەتەوە، كە نزیكەی چوار مانگ بوو بێ سەروشوێن بوو.

بە گوێرەی قسەكانی ئەو ڤلۆگەرە، پۆلیس شوێن و كاتی دۆزینەوەی تەرمەكەی ئاشكرا نەكردووە، بەڵام ئەوەیان راگەیاندووە، كە لە لێكۆڵینەوەكاندا دەركەوتووە، دەستدرێژیی سێكسی بۆ سەر ئەو كچە نەكراوە وەك پاڵنەرێكی كوشتن.

شیلان شەهبازیان، تەمەنی 26 ساڵ بوو، رووخسارێكی زۆر جوانی هەبوو، لە سەنتەرێكی جوانكاری كاری دەكرد، كە ماوەی دوو ساڵ بوو لە هەرێمی ئۆنتاریۆ وەك پەنابەر دەژیا.

شیلان خەڵكی شاری قوروەی سەر بە پارێزگای كرماشان بوو.

نزیکەى 50 رۆژە کچێکى کورد لە کەنەدا بێسەروشوێنە