"هەڵەبجە كوردی بە دنیا ناساند"
هونەرمەندانی میللی لە سلێمانی یادی كیمیابارانی هەڵەبجە دەكەنەوە
964+
دیلان محەمەد
ئەمڕۆ لە ساڵیادی 37ی كیمیابارانی هەڵەبجە، كۆمەڵەی هونەریی میللیی سلێمانی بە رێپێوان بۆ بەردەم بەردەركی سەرا، یادەكەیان زیندوو كردەوە.
ژمارەیەك هونەرمەند بە موزیك و ژەنینی مارشی ئەی رەقیب، بە رێپێوان گەیشتنە بەردەكی سەرا، بۆ یادكردنەوەی كیمیابارانی شاری هەڵەبجەی شەهید.
عومەرە بچكۆڵ، كە هونەرمەندێكی میللیی سلێمانییە، بە 964ی راگەیاند، 37 ساڵە خۆبەخشانە یادەكە دەكەنەوە و سەری رێز و نەوازەش بۆ شەهیدانی هەڵەبجە دادەنوێنن.
وتیشی: كارەساتی هەڵەبجە كوردی بە هەموو دنیا ناساند.
پێداچوونەوە: ئەرسەلان عەبدوڵا
