شەڕی روسیا و ئۆكرانیا وێنە: میدیاكان
وەزارەتی دەرەوەی ئەمریكا:
ئۆكرانیا رازیی بووە دەستبەجێ ئاگربەست رابگەیەنێت
+964
ئەرسەلان عەبدوڵا
وەزارەتی دەرەوەی ئەمریكا رایگەیاند، لە گفتوگۆیەكانیان لەگەڵ شاندی ئۆكرانیا لە سعودیە، ئۆكرانیا ئامادەیی دەربڕیوە دەستبەجێ شەڕ رابگرێ و ئاگربەست رابگەیەنن.
ئەمڕۆ گەڕی یەكەمی دانوستانی نێوان وەزارەتی دەرەوەی ئەمریكا و ئۆكرانیا لە شاری جەدەی سعودیە بەڕێوەچوو.
وەزارەتی دەرەوەی ئەمریكا دەڵێت، ئۆكرانیا رازی بووە ئاگربەست بۆ ماوەی 30 رۆژ رابگەیەنێت.
لە 24.2.2022 سوپای روسیا هێرشی كردە سەر ئۆكرانیا و چوونە ناو خاكی ئەو وڵاتە، تا ئێستاش شەڕ لە نێوان هەردوولا بەردەوامە.
لەوەتەی دۆناڵد ترەمپ سەرۆكایەتیی ئەمریكای وەرگرتووەتەوە، هەوڵەكانی دەستپێكردووە بۆ راگرتنی شەڕەكە و كۆتاییهێنان بە كێشەكانی نێوان هەردوو وڵات.
