964+

شۆڕش قادری

بەڕێوەبەرایەتی پەروردەی سلێمانی رێنمایی تاقیکردنەوەکانی بۆ وەرزی دووەمی پڕۆسەی خوێندن بڵاوکردەوە و تاقیکردنەوەی پۆلەکانی 9 و  12ـی ئامادەیی لە 8.4.2025 دەستپێدەکات.

بەپێی رێنماییەکە، تاقیکردنەوەی 20 نمرەی پۆلە ناکۆتاکانی چوار بۆ هەشتی بنەڕەتی و پۆلەکانی 10 بۆ 11 ئامادەیی لە 13.4.2025 دەستپێدەکات و لە 22.4.2025 کۆتایی دێت.

هەروەها تاقیکردنەوەی وەرزی دووەمی پۆلی نۆی بنەڕەتی و 12ـی ئامادەیی لە 8.4.2025 دەستپێدەکات و تا 21.4.2025 بەردەوام دەبێت، تاقیکردنەوەکان رۆژانی شەممەش بەردەوام دەبن.

ئەگەر لە رۆژانی تاقیکردنەوەکاندا پشووی فەرمی بوو، ئەوا بەهەمان زنجیرەی تاقیکردنەوەکان، رۆژانی دواتر تاقیکردنەوەکان بەردەوام دەبن.

وێنەیەکی رێنماییەکەی بەڕێوەبەرایەتی پەروەردەی سلێمانی لە خوارەوە:

تاقیکردنەوەکانى پۆلى 12ـى ئامادەیى کۆتایى هات

پەروەردەی سلێمانی؛ بایکۆتی مامۆستایانی وانەبێژ تاقیکردنەوەکان دواناخات

964+

میلاد جەلال

تەلاری زانکۆ کە دەکەوێتە ناو بازاڕی قەزای کەلار، لە بەشی سەرەوەی تەلارەکە ئاگر کەوتووەتەوە، دوو تیمی بەرگری شارستانی گەشتوونەتە شوێنی رووداوەکە و خەڵکیش کۆبوونەتەوە.

پەیامنێری 964 لە کەلار زانیاری سەرەتایی دەربارەی رووداوەکە باس کرد و وتی، دەوترێ موەلیدەیەک لە بەشی سەرەوە “سەربانی” تەلارەکە ئاگری گرتووە.

نوێکردنەوە 11:50 PM

پەیامنێرمان پاش گەشتنی بە شوێنی رووداوەکە رایگەیاند، پشتڕاست بووەتەوە، ئەوەی ئاگری گرتووە موەلیدەی بازاڕەکە بووە، دوو تیمی بەرگری شارستانی پاش 30 خولەک توانیوویانە ئاگرەکە کۆنتڕۆڵ بکەن.

ئیبراھیم محەمەد وتەبێژی بەرگری شارستانی گەرمیان بە 964ـی وت، ھۆکاری ئاگرەکە شۆرتی کارەبا بووە، تانکی گازی مۆلیدەی بینای تەلاری زانکۆ ئاگری گرتبوو، چوار بنکەی ئاگرکوژێنەوە ئاگرەکەیان کۆنتڕۆڵکرد.

لەبارەی زیانەکانی رووداوەکە، هیچ کەسێک بەهۆی رووداوەکەوە زیانی پێ نەگەیشتووە، بەڵام زیانی مادی بەس سەربازنی بازاڕەکە کەوتووە، جگە لە سوتانی موەلیدەکە و کەرەستەکانی.

کێڵگەیەکى پەلەوەرى ئاگرى گرت