نرخی نەوت لە بازاڕی جیهانیدا بەرزبووەوە

964+

شۆڕش قادری

پاش سێ رۆژ، نرخی نەوت جارێکی تر بەرزبووەوە و نرخی هەر بەرمیلێک رۆیشتەوە سەروو 70 دۆلار.

ئەمڕۆ شەممە 8.3.2025، لە کاتى کردنەوەى بازاڕى جیهانیی نەوت، نرخى یەک بەرمیل نەوتى برێنت بە 70 دۆلار و 36 سەنت دیاریکراوە و بەراورد بە دوێنێ، نرخەکەی 1.30٪ بەرزبووەتەوە.

هەروەها نرخی بەرمیلێک نەوتی خاوی تەکساس بە 67 دۆلار و 04 سەنت مامەڵەی پێوەدەکرێت و نرخەکەی، 1.02٪ بەرزبووەتەوە.

دواى ئەوەى هەفتەى رابردوو، ئۆپیک بڕیاریدا بە بەرزکردنەوەى ئاستى هەناردەى نەوت، نرخەکەى رووى لە دابەزین کرد و لە سێ رۆژی رابردوودا لە خوار 70 دۆلارەوە بوو.

لە سەرەتاى ساڵى نوێ و سەروبەندی دەستبەکاربوونی دۆناڵد ترەمپی سەرۆکی ئەمریکا، نرخی نەوت بە شێوەیەکی بەرچاو بەرزبووەوە و نرخی هەر بەرمیلێک، لە 85 دۆلار نزیک بووەوە، بەڵام دواتر سەربەرەوخوار بووەوە.

نرخى نەوت هەر لە خوار 70 دۆلارە

لە کەرکوک بیرە نەوتێک ژیانی چەند کارمەندێک دەخاتە مەترسییەوە