18 فرۆشگای سەرپێچیکار لە هەولێر دیاریکران

964+

ژووری هەواڵ

لیژنەکانی چاودێریی بازرگانیی هەولێر، شەوی رابردوو گەڕانێکیان بە ناو شار و بەشێک لە بازاڕەکان ئەنجامداوە و بۆیان دەرکەوتووە 18 شوێن نرخیان گونجاو نەبووە و خۆراکی ماوە بەسەرچوویان هەبووە.

بەڕێوەبەرایەتیی چاودێریی بازرگانیی هەولێر رایگەیاند، لیژنەکانیان شەوی 2.3.2025 سەردانی 35 شوێنیان کردووە بەمەبەستی کۆنتڕۆڵ کردنی نرخی بازاڕ و  خۆراکی ماوە بەسەرچوو.

لە دوای گەڕان، 18 شوێن دۆزراونەتەوە کە سەرپێچیان کردووە و هەر بە هەمان هۆکار یەک شوێن داخراوە.

ساڵانە لە مانگی رەمەزاندا فرۆشی زۆربەی ئەو دوکان و فرۆشگایانە زیاد دەکات کە خواردن و خواردنەوەکانی تایبەت بەو مانگە دەفرۆشن، وەک شیرینییەکان، خورما و شەربەت.

سەرۆکایەتیی شارەوانیی هەولێر فێستیڤاڵی رەمەزان رێكدەخات