لە عەربەت
مامۆستایان و فەرمانبەرانی ناڕازی رێگای بارهەڵگرەکانیان داخست
964+
دیلان محەمەد – سلێمانی
لە سنووری عەربەت لە پارێزگای سلێمانی، مامۆستایان و فەرمانبەرانی ناڕازی لە چالاکییەکی نوێدا رێگای بارهەڵگرەکانیان داخست.
بەشێک لە بەشداربووانی گردبوونەوەکە ئەو مامۆستا و فەرمانبەرانەن کە لە بەردەم نوسینگەی رێکخراوی نەتەوە یەکگرتووەکان لە سلێمانی بۆ ماوەی 15 رۆژ مانیان لە خواردن گرت.
بەشداربووانی گردبوونەوەکە بە 964ـیان وت، “دەمانەوێ شادەماری ئابووری حزبە دەسەڵاتدارەکانی هەرێم رابگرین و سەرجەم ئەو رێگایانە دەگرین کە سەرچاوەی داهاتی ئەو حزبانەن”.
ئاماژەیان بەوەشکرد، بەو چالاکییە دەیانەوێ داوای قوتی خەڵک لە حکومەتی هەرێم بکەن و پێیان بڵێن، بۆچی ئەو داهاتەی دەستیان دەکەوێ، لەگەڵ هاوڵاتیان دابەشی ناکەن.
وەک خۆیان دەڵێن، خۆپیشاندەران رێگە بە ئۆتۆمبێلی تایبەت و بچووک دەدەن بە رێگای عەربەت – سلێمانی تێپەڕن، بەڵام نایەڵن هیچ بارهەڵگرێک بەو رێگایەدا بڕوات.
پێداچوونەوە: شۆڕش قادری
ئەمڕۆ مانگرتووانی سلێمانی نەخۆشخانە جێدەهێڵن
