تیمێکی پزیشیکی ئیتاڵیا لە دهۆکن و 10 نەشتەرگەرییان بۆ منداڵان ئەنجامدا

964+

شۆڕش قادری

تیمێکی پزیشکی ئیتاڵیا چوونەتە دهۆک و 10 نەشتەرگەرییان بۆ ئەو منداڵانە ئەنجامداوە کە نەخۆشی دڵیان هەبووە.

مەتین جەمیل وتەبێژی تەندروستی دهۆک بە 964ـی وت، “لە رۆژی یەکشەممەوە تیمێکی پزیشکی ئیتاڵیا لە باشترین نەخۆشخانەکانی ئەو وڵاتەوە هاتوونەتە دهۆک و لەم چەند رۆژەدا لە سەنتەری ئازادی بۆ نەشتەرگەری و نەخۆشییەکانی دڵ، 10 نەشتەرگەریی سەرکەوتوویان بۆ منداڵان ئەنجامداوە”.

“تیمەکە بەپێی ئەو یادداشتنامەیە هاتوونەتە دهۆک کە لە نێوان بەڕێوەبەرایەتی تەندروستی دهۆک و رێکخراوی SIA  ـی ئیتاڵیاـدا هەیە و تا ئەمڕۆ دەمێننەوە”، مەتین جەمیل وای وت.

باسی لەوەشکرد، تیمەکە پێشتریش چەند جارێک هاتوونەتە دهۆک و نەشتەرگەرییان بۆ ئەو منداڵانە ئەنجامداوە کە لە زکماکییەوە نەخۆشی دڵیان هەیە، سەردانەکانیان بەردەوام دەبێت و لە داهاتووشدا دەگەڕێنەوە دهۆک.

کەسێک لە ئاکرێ دوای وەستانی دڵی، دووبارە ژیانی بۆ دەگەڕێتەوە

لە یەک هەفتەدا 501 منداڵ لە دهۆک لەدایکبوون