964+

ئاکام غەفور- سۆران

خوێندکارێکى  دەستڕەنگینى زانکۆ سۆران، بە شێوازێکى جیاواز و جوان کێک و شیرینى دروست دەکات و لە شێوەى گوڵ دەیڕازێنێتەوە.

لە دووەمین کۆڕبەندى پەرەپێدانى هێزى کار لە کوردستان کە ئەمڕۆ لە زانکۆى سۆران بەڕێوەدەچێت، خوێندکاران بە داهێنان و دەستڕەنگینییەکانیان بەشداریان کرد و کارەکانى خۆیان نمایش کرد.

دلڤین فەخری، یەکێک لە خوێندکارەکانى زانکۆى سۆرانە بە دەستڕەنگینییەکەى سەرنجى بەشداربووانى راکێشاوە.

ئەو لە شێوەى چەپکە گوڵ شیرینى و کێک دەڕازێنێتەوە، تایبەتمەندییەکەى ئەوەیە هەم وەک گوڵ نمایش دەکرێت و وەک شیرینى و کێکیش دەخورێت.

دلڤین کە ساڵێک و شەش مانگە دەستى داوەتە ئەو کارە، قسەى بۆ 964 کرد و وتى، “زیاتر بۆ رۆژى ئاهەنگى لەدایکبوون و هاوسەرگیرى ئەو جۆرە گوڵ و شیرینییانە دروست دەکەم، چونکە هەم گوڵە و هەم شیرینى”.

وەک باسى دەکات، خواستێکى زۆرى لەسەرە و ئازیزان بۆ بۆنە و یادەکان داواى دەکەن تا بۆیان دروست بکرێت و پێشکەشى یەکترى بکەن.

پێداچوونەوە: وریا فەتاح

ئەمڕۆ کەرنەڤاڵى سەرا بەڕێوەدەچێت

964+
دەشتی عارف ـ هەولێر

بڵاوبوونەوەی گرتە ڤیدیۆیەک لە سۆشیال میدیا بەم شەوی قەدر دەنگدانەوەی زۆری دروست کردووە، گوایە لە کاتژمێر 12:30، مزگەوتی جەلیل خەیات داخراوە و نوێژ خوێنان رەوانەی ماڵەوە کراونەتەوە.

پەیامنێری 964 هەرزوو خۆی گەیاندە مزگەوتەکە، چونکە گرتە ڤیدیۆییەکە وای نیشان دەدات بە زۆر لەمزگەوت و دەکراون و ژمارەیەک کەس، گلەییان لەوە دەکرد، بە شەوی قەدر چۆن دەبێ مزگەوت ئەوەندە زوو دابخرێ.

ئەحمەد کاوێز، کارگێری مزگەوت، باسی رووداوەکەی کرد و وتی، “کاتژمێر 11:30 تاوەکو 12:30 نوێژی (سەڵات ولتەزبیع)مان کرد، کە تەواو بووین چەند کەسێک هاتن وتیان نوێژ دەکەین، منیش وتم نوێژەکە تەواو بووە دەتوانن بە تەنیا بۆ خۆتان نوێژ بکەن، بەڵام چەند کەسێک بابەتەکەیان بەهەڵە لێکدایەوە و وایان زانی وتوومە شەوی قەدر تەواو بووە، ئەمەش بووە هۆی دروست بوونی ئەو کێشەیە ئەگەرنا ئەوەتا کاتژمێر سێیە مزگەوت کراوەتەوە و نوێژخوێن لە ژوورەوەن”.

عەبدوڵا فەرهاد، نەوەی جەلیل خەیات، قسەی بۆ 964 کرد و وتی، “مزگەوت ماڵی خوایە و کەس بۆی نیه دەرگای ماڵی خوا دابخات، ئەوەشی روویداوە هەڵە تێگەیشتن بووە و چەند کەسێکیش وەکو تێکدەر هاتوون بابەتەکەیان بەلارێدا بردووە”.

شەوی قەدر پیرۆزترین شەوە لە مانگی رەمەزان و زۆرێک لە هاوڵاتیان هەر لەدوایی نوێژی شێوانەوە تاوەکو بەرەبەیان لەمزگەوت دەبن و نوێژ دەکەن و قورئان دەخوێنن، یەکێکیش لەو مزگەوتانەی کە سەردانی دەکرێت مزگەوتی جەلیل خەیاتە کە یەکێکە لە گەورەترین مزگەوتەکانی شاری هەولێر و ناوێکی دیاری شارەکەیە.

پێداچوونەوە: ئەحمەد مستەفا

مامۆستا وشیار: شەوی قەدرە 10رکات نوێژ و نزای خێری زۆر هەیە بیکەین