14 ساڵی پێچووە
نووسخەیەکی قورئان بەهەورامی لە خورماڵ بڵاوکرایەوە
964+
ئەمەل ناجی – خورماڵ
ئەمڕۆ هەینی 14.2.2025 لە مەراسیمێکدا نووسخەیەکی وەرگێڕدراوی قورئانی پیرۆز بە شێوەزاری ھەورامی لە خورماڵ بڵاوکرایەوە، لە مەراسیمەکەدا عەلی فەتحی نووسەر و وەرگێڕی رۆژھەڵاتی کوردستان ئامادەبوو کە خاوەنی بەرھەمەکەیە.
دەربارەی وەرگێڕانەکەی عەلی فەتحی بە 964ـی وت، “ماوەی 14 ساڵە سەرقاڵی ئەم کارەم و لە کۆتاییدا ئەمساڵ توانیم چاپی بکەم، ئەو شێوەزارەی بەکارمهێناوە، خەڵکی ھەر گوند و ناوچەیەکی ھەورامان دەتوانێت لێی تێبگات”.
بەقسەی عەلی فەتحی، کۆمەڵێک وشە و دەستەواژەی بەکارھێناوە کە لەئێستادا کەمتر لەناو گەنجاندا بەکاردێن و بەرەو لەناوچوون دەچن، ئەو ھەوڵیداوە زیندوویان بکاتەوە، بۆ ئەوەی لە لەناوچوون بیانپارێزێت.
عەلی فەتحی نووسەر و وەرگێڕ، لەدایکبووی ساڵی 1956ـە و خەڵکی گوندی پاڵنگانـی سەربە پارێزگای کرماشانە لە رۆژھەڵاتی کوردستان، جگە لەم بەرھەمە، حەوت بەرھەمی دیکەی لە بواری ئایینیدا ھەیە.
پێداچوونەوە: شۆڕش قادری
بۆ یەکەمجار کوردێک قورئانێکی بۆ نابیستایان وەرگێڕا و بڵاویكردەوە
