سەرۆکی شارەوانی شارەدێی تەوێڵە دەستگیرکراوە

ژووری هەواڵ

ئەمڕۆ 11.2.2025  وا بڵاوکراوەتەوە کە سەرۆکی شارەوانی تەوێڵە دەستگیرکراوە، بۆ پشتڕاستکردنەوەی ئەم بابەتە 964 پەیوەندی بە سەرچاووەیەکی باڵای باوەڕپێکراوەوە کرد و ھەواڵەکەی پشتڕاستکردەوە.

بە وتەی ئەو سەرچاوەیە باڵایە، پێشتر عیماد محەمەد سکاڵایەکی لەسەر تۆمارکراوە بە تۆمەتی بەرتیل وەرگرتن، و ئەمڕۆش دادگایی بووە و لە ئێستادا بە فەرمانی دادوەر راگیراوە.

لای خۆشیەوە ئاکام قوتبەدین، وتەبێژی پۆلیسی ھەڵەبجە بە 964ی راگەیاند:” لەسەر سکاڵای ھاوڵاتیەک و بە فەرمانی دادوەر، بە یاسای ژمارە 307ـی بەرتیل لە ئێستادا سەرۆکی شارەوانی تەوێڵە لە بەشی پۆلیسی ناوشار لە ھەڵەبجە راگیراوە و دۆسیەکەشی ئاڕاستەی دەستەی دەسپاکی کراوە.