لە سلێمانى
بۆ پشتگیریى مانگرتووان دوکانەکان داخران
964+
دیلان محەمەدجەزا- سلێمانى
بۆ پشتگیرى لە داواى مانگرتووان، دوکاندارانى ناوبازاڕى سلێمانى دەڕابەکانیان دادایەوە و دوکانەکانیان داخست.
دواى ئەوەى دوێنێ لەلایەن بەشێک لە رێکخراوەکانى کۆمەڵگەى مەدەنى، دوکانداران و کاسبکارانى ناوبازاڕى سلێمانى ئاگادارکرانەوە، ئەمڕۆ کاتژمێر 11 سەرجەم دوکاندارانى ناوبازاڕى سلێمانى و شەقامى مەولەوى، دەڕابەى دوکانەکانیان دادایەوە و دوکانەکانیان داخست.
دوکانداران باس لەوە دەکەن، داخستنى دوکانەکانیان بۆ پشتگیریکردنی مانگرتووانە، چونکە وەک باسى دەکەن داواکارى مانگرتووان داواکارى ئەوانیشە.
یەکێک لە دوکانداران بۆ مایکى 964 قسەى کردووە و دەڵێت، نەک دوکانەکان ئەگەر بیانەوێت ئۆتۆمبێلەکانیشمان کارپێناکەین.
پێداچوونەوە: وریا فەتاح
