دوو دیمەنی منداڵەکانی باخچەی ساوایانی باتاس.. وێنە؛ سۆشیاڵ میدیای هەریری من.
پێشتر كێك و شهربهتیان پێدان
هاتوچۆى ههریر منداڵانى باخچهیهكی ساوایانی ئاشناى هێماكانى هاتوچۆ كرد
964+
فهرهاد حهسهن
تیمهكانى هۆشیارى له هاتوچۆى قهزاى ههریر، روویان له باخچهیهكی ساوایان كرد، بهڵام بهرلهوهى دهست به رێنمایی پێدانیان بكهن، كێك و شهربهتیان پێدان.
منداڵهكان، هى باخچەی ساوایانی حاجی جحێل سورچی بوون، كه كهوتووهته كۆمهڵگهى باتاس لهو قهزایه و ماوهیهك لهمهوبهر لهلایهن خێرخوازێكهوه بۆ منداڵان دروستكراوه.
موقهدهم ئهحمهد یوسف عهلی، بهڕێوهبهرى بهشی هاتوچۆى قهزاى ههریر به 964ـى راگهیاند، بهسهركردنهوهى ئهم شوێنانه له پلانى ساڵانهى بهردهوامیاندایه، بۆئهوهى مندڵان و قوتابیان ئاشناى سیستمى هاتوچۆ بكهن.
وتیشی “به شێوهیهكی كردارى منداڵهكانى ئهم باخچهیه برانه سهر شهقامێك و رێنماییان پێدران، بۆ ئهوهى ئهوهى پێویسته له كاتى هاتوچۆكردن بۆ باخچهكهیان ئهنجامى بدهن و به چاوی خۆیان بیبینن”.
پێشتر بهڕێوهبهرى هاتوچۆى ههریر به 964ـى وتبوو، رووداوهكانى هاتوچۆ ساڵ به ساڵ له سنوورهكهیان رووى له كهمبوونهوه كردووه، هۆكارهكهشی بۆ چالاكییه هۆشیارییهكانى تیمهكانیان و بۆ بوونى كامێراى چاودێریی گهڕاندهوه.
بهپێی ئامارێك كه بهشی هاتوچۆى قهزاكه به 964ـى داوه، له ساڵى 2022 به وهرگهڕان، شێلان و بهیهكدادانى ئۆتۆمبێل 225 رووداو تۆماركراون، بهڵام له ساڵى 2023 ئهم ژمارهیه بۆ 176 رووداو و لهساڵى 2024 یش ژمارهى رووداوهكانى هاتوچۆ بۆ 160 رووداو كهمبووهتهوه.
لهگهڵ دهستپێكردنهوهى وهرزى نوێی خوێندن قوتابیانى ههریر ئاشناى رێنماییهكانى هاتوچۆ دهكرێن
له ههریر بهشێكی قەڵاكەی خانزادى میرى سۆران و میرسلێمانی براى رووخاوه
