"سلێمانی بەتەنیا نییە"
مامۆستایانی گەرمیان گەیشتنە لای مانگرتووانی سلێمانی
964+
دیلان محەمەد – سلێمانی
مامۆستایان و فەرمانبەرانی گەرمیان گەیشتنە لای مانگرتووانی سلێمانی و باسی رێگا دوور و درێژەکەیان بۆ پەیامنێری 964 کرد کە چۆن بە رێپێوان خۆیان گەیاندووەتە لای خێمەکە.
مامۆستا قەیس عەبدولقادر وتی، “لە کەلارەوە بە ئۆتۆمبێڵ هاتووین و بە درێژایی رێگاکە لە دەروازەی هەموو شار و شارۆچکەکان دابەزیوین و بە رێپێوان و وتنەی دروشمەکان ناوشارەکانمان تێپەڕاندووە”.
ئاماژەی بەوەش کرد، سلێمانی بەتەنیا نییە و هەموو گەرمیانی لەگەڵدایە و بەهەموو شێوەیەک پشتیوانی لە مامۆستا مانگرتووەکانی سلێمانی دەکەن.
ئەوەشی خستەڕوو، ژمارەیان 180 بۆ 200 فەرمانبەر و مامۆستا دەبێ کە لە گەرمیانەوە خۆیان گەیاندووەتەوە لای خێمەی مانگرتووانی سلێمانی.
سەرلەبەیانی ئەمڕۆ دووشەممە 3.2.2025 مامۆستایان و فەرمانبەرانی ناڕازی کەلار لە بەردەم قوتابخانەی لەیلا قاسم گردبوونەوە وەک پشتیوانییەک بۆ داواکانی مانگرتووانی سلێمانی، دواتر بەشێکیان بەڕێکەوتن بۆلای مانگرتووەکان.
پێداچوونەوە: شۆڕش قادری
مامۆستایانی کەلار بۆ پشتیوانی مانگرتووانی سلێمانی گردبوونەوە
