خورماتوو
لە دوو رووداوی هاتوچۆدا دوو کەس گیانیان لەدەستداوە و نۆی دیکە بریندارن
964+
سیروان خورشید – دوزخورماتوو
لەدوو رووداوی هاتوچۆی جیادا لەسەر رێگەی کەرکوک – بەغدا دوو کەس گیانیان لەدەستدا و نۆ کەسی دیکەش بریندار بوون.
عەقید موئەیەد عەباس، بەڕێوەبەی هاتوچۆی خورماتوو بە 964ـی وت، رووداوی یەکەم لە سنووری نێوان ئامرلی و ناحیەی عزێم روویداوە و رووداوەکە بەو شێوەیە بووە کە پاسێکی نەفەرھەڵگر بەتیژڕەوی روویشتووە و لەوکاتەدا ئیستۆپی نەماوە و کۆنتڕۆڵی لەدەستداوە و وەرگەڕاوە، بەهۆیەوە دوو سەرنشین دەستبەجێ گیانیان لەدەست داوە و حەوت دیکەش برینداربوون و رەوانەی نەخۆشخانە کراون.
وتیشی، لە رووداوێکی دیکەدا لەنزیک ناحیەی سلێمان بەگی سنووری خورماتوو دوو ئۆتۆمبێلێی تایبەت پێکیاندا کێشاوە و لەو رووداوەشدا دووکەس برینداربوون و تیمەکانمان گەیشتونەتە شوێنی روداوەکە.
پێداچوونەوە: توانا نەقی
