“بەغدا کورسیی خوێندن بۆ کەسوکاری شەهیدانی پێشمەرگە دابین بکات”
+964
فه‌رهاد حه‌سه‌ن – هه‌ولێر
په‌رله‌مانتارێكی كورد له به‌غدا، داواى لە خوێندنی باڵای عێراق کردووە 10%ی کورسیی خوێندنی هەموو زانکۆکان بۆ کەسوکاری شەهیدانى پێشمه‌رگه دابین بكرێت”.
کاروان عەلی یاروەیس ئەندامی ئەنجومەنی نوێنەرانی عێراق، بۆ تۆڕى 964ـى راگه‌یاند “داوامان لە وەزارەتی خوێندنی باڵای عێراق کردووە، رێژه‌ى10%ی کورسییەکانی خوێندنی باڵای عێراق لە هەموو زانکۆکان بۆ کەسوکاری شەهیدانی کوردستان بێت”.
ئاماژه‌ى به‌وه‌ش كرد، سەبارەت بەو پرسە نووسراوێکیان ئاراستەی وەزیری خوێندنی باڵای عێراق کردووە و داوایان کردووە گشتاندن بۆ نووسراوی دامەزراوەی شەهیدانی عێراق بکەن”.
هه‌روه‌ها روونیكرده‌وه، تا ئێستا له‌لایه‌ن وه‌زاره‌تى خوێندنى باڵاى عێراقییه‌وه وه‌ڵامیان نه‌دراوه‌ته‌وه، به‌ڵام وتیشی، “به‌رده‌وام به‌دواداچوونى بۆ ده‌كه‌ین و ئه‌و رێژه‌یه له كورسییه‌كانى خوێندن بۆ كه‌سوكارى شه‌هیدان دابین ده‌كه‌ین”.