نموونەی کێڵگەیەکی گەنم - وێنە: بەڕێوەبەرایەتیی تویژینەوەی کشتوکاڵی سلێمانی
چەندتان چاندووە تۆمارى بکەن
ئاگادارییەک بۆ جوتیارانى هەولێر
964+
وریا فەتاح
کشتوکاڵى هەولێر، جوتیاران ئاگادار دەکاتەوە کە پەلە بکەن لە تۆمارکردنى رووبەرى داچێنراوى زەوییەکانیان بەگەنم، دەشڵێت: لەسەر ئەو بنەمایە گەنمیان لێ وەردەگیرێت.
بەڕێوەبەرایەتی گشتی کشتوکاڵی هەولێر، جوتیارانى سنوورى پارێزگاى هەولێر ئاگادار دەکاتەوە کە سەردانی بەش و بەڕێوەبەرایەتییەکەیانی سنووری خۆیان بکەن بۆ تۆمار کردنی رووبەری گەنمی داچاندراو لە وەرزی داچاندنی 2024 بۆ 2025.
وەک ئەوەى باسکراوە، ناوتۆمارکردن تا 12.2.2025 بەردەوام دەبێت.
964 لە ماسنجەرەوە نامەى بۆ پەیجى بەڕێوەبەرایەتى کشتوکاڵى هەولێر نارد و داواى روونکردنەوەى لێکردن لەسەر ئەو ئاگادارییە، لە وەڵامدا راگەیاندنى کشتوکاڵى هەولێر بۆ 964 وتى،”ناوتۆمارکردنەکە بە مەبەستى ئەوەیە لە کاتى پڕۆسەى دروێنە و بە بازاڕکردنى گەنم، جوتیاران لەسەر بنەماى ئەو رووبەرەى چاندویانە و تۆماریان کردووە، لە سایلۆ گەنمەکانیان لێ وەردەگیرێت.
