بە درێژایی نزیکەی چوار کیلۆمەتر رێگای چەند گوندێکی گەرمیان قیر دەکرێت

964+

توانا نەقی

بە درێژایی نزیکەی چوار کیلۆمەتر رێگای سێ گوندی گەرمیان قیر دەکرێت و کارکردن تیایدا بەردەوامە و تێچووەکەشی زیاترە لە 700 ملیۆن دینار.

بەڕێوەبەرایەتی رێگاوبانی گەرمیان بڵاویکردەوە، پرۆژەی قیرتاوکردنى رێگاى گوندەکانى ( گۆبان – نازێى گەورە) ‏بە درێژایی 3.7 کیلۆمەتر و بەپانى 6 مەتر دەست پێکراوە.

دەشڵێت، پرۆژەکە بە تێچووی 719 ملیۆن و 700 هەزار ینار. لەسەر بودجەى پەرەپێدانى ئیدارەى گەرمیان و لە لایەن بەڕێوەبەرایەتى رێگاوبانى گەرمیان سەرپەرشتی دەکرێت و لە لایەن کۆمپانیاى هەردين جێبەجێ دەکرێت.

پرۆژەکە بریتییە لە دروستکردنى رێگاى قیر پێکدێت لە یەک چین تێکەڵەى ‏جۆرى (‏Type-A‏ ) بەئەستورى 20سم، چینێک قیرى ستابلایزەر بەئەستورى 10سم وەشانى رێگاکە بەپانى ‏‏1.5مەتر بۆهەرلایەک.

ئەو رێگایە زیاتر لە  10 ئاوبارەى جۆراوجۆر لەخۆ دەگرێت و ماوەى پرۆژەکە 150 رۆژە ئەم رێگایە ‏دەبێتە هۆى بەستنەوەى گوندەکانى ناحیەى رزگارى بەشارى کەلارەوە وەکوگوندەکانى ( نازێی گەورە – نازێی ‏بچوک – حاجى قازى و چەن دگوندێکی دیکە، لە ئێستادا رێژەی ئەنجامدراوی پرۆژەکە سەرووی 33%ـە.

"قیرتاوكردنی رێگای قەڵادزێ – ئیسێوە كەمتر لە ساڵێك دەخایەنێت"