بەشێک لەو خواردنانەی لەناوبران لەلایەن لیژنەکانی قایمقامیەتەوە وێنە: قایمقامیەتی بەردەڕەش
لە قەزای بەردەڕەش
نزیکەی تۆنێک خواردنی ماوە بەسەرچوو دەستی بەسەرداگیرا و لەناوبرا
964+
ژێوار خدر
لە ئاسایشی بازگەی چەمە دەستبەسەر 800 کیلۆ گۆشتی سور، ریخۆڵەی ئاژەڵ، قەیماغ و پەنیردا گیرا و لەناوبران
ئیسماعیل مستەفا، قایمقامی قەزای بەردەڕەش بە 964ـی وت، ئەمڕۆ چوارشەممە 8.1.2025 لەلایەن بازگەی چەمەوە ئاگادار کراینەوە، کە دەستییان گرتووە بەسەر بڕی 800 کیلۆ خواردندا، خاوەنەکەیان بەنیاز بووە لە سنووری هەولێرەوە بیانگوازێتەوە بۆ پارێزگای دهۆک و لەوێ بیانفروشێتەوە.
وتیشی، خواردنەکان پێکهاتبوون لە گۆشتی سور، ریخۆڵەی ئاژەڵ، قەیماغ و پەنیر بەهۆی ئەوەی شیاوی خواردن نەبوون و ئێکسپایەر ببوون دەستیان بەسەرداگیراوە و لیژنەی ئابووری قایمقامیەتیی بەردەڕەش، لەشوێنێکی تایبەت و دووری شار ئەو خواردنانەیان لەناو برد و خاوەنەکەشی سزای مادی درا و بەڵێننامەی لێ وەرگیراوە.
