لە بەغدا
خوێندکارێکى زانکۆ تەقەى کرد؛ پۆلیسێک و دوو خوێندکارى بریندار کرد
964+
وریا فەتاح
وەزارەتى ناوخۆى عێراق دەستگیرکردنى تۆمەتبارى شەڕەکەى کۆلێژى ئیسراى دەستگیرکرد کە لە شەڕێکدا دوو خوێندکار و پۆلیسێکى بریندار کردبوو.
ئەمڕۆ یەکشەممە، میقدا میرى وتەبێژى وەزارەتى ناوخۆ لە راگەیەنراوێکدا بڵاوى کردەوە، هێزێکى فەرماندەیى پۆلیسى رەسافە، خوێندکارێکى کۆلێژى ئیسراى دەستگیرکردووە کە تەقەى لە پاسەوانى کۆلێژ و دوو خوێندکار کردووە و بریندارى کردوون”.
میرى باسى دەکات، تەقەکە لە ئەنجامى دروستبوونى شەڕێکەوە روویداوە، بەڵام بارى تەندروستى بریندارەکان جێگیرە.
ئاماژە بەوەشکراوە، پۆلیس لێکۆڵینەوەى دەستپێکردووە و رێوشوێنى یاسایى گیراوەتەبەر و بریندارەکان گواستراونەتەوە بۆ نەخۆشخانە.
