لۆگۆى زانکۆى گەرمیان
لە گەرمیان
زانکۆ خوێندکاران و هاتوچۆش شۆفێران، ئاگادار دەکەنەوە
964+
وریا فەتاح
زانکۆى گەرمیان، خوێندکارەکانى ئاگادار دەکاتەوە کە یەکشەممە دەستبە دەوام دەکەنەوە و هاتوچۆش دەڵێت، سبەینێ رێگاى پشتێنەى کەلار لە نزیک رێگاى لاوەکى زانکۆ کارى تێدە دەکرێت.
بەپێى ئاگادارییەکى بەڕێوەبەرایەتى هاتوچۆى گەرمیان، داوا لە شۆفێران کراوە کە سبەینێ شەممە، رێگای پشتێنەی شاری کەلار(حەولی) لە نزیک رێگای لاوەکی زانکۆی گەرمیان کاردەکرێت.
داواش دەکات کە شۆفێران وریابن و بە ئاگاییەوە شۆفێرى بکەن تا رووداوى نەخوازراوى هاتوچۆ روونەدات.
لە ئاگادارییەکى دیکەدا، زانکۆى گەرمیان داواى لە خوێندکارانى کردووە کە رۆژى یەکشەممە 5.1.2024، دەوامى خوێندن دەستپێدەکەتەوە بۆیە پێویستە خوێندکارانى سەرجەم بەش و کۆلێجەکان بگەڕێنەوە بۆ دەوام.
ئاشکراشى کردووە کە لەمڕۆ هەینییەوە، دەرگاى بەشەناوخۆییەکان بەڕووى خوێندکاراندا کراونەتەوە.
