نرخی نەوت بەردەوامە لە بەرزبوونەوە

964+

توانا نەقی

بۆ دووەم رۆژی لەسەر یەک و لە ساڵی تازەدا نرخی نەوت بەردەوامە لە بەرزبوونەوە و زۆری نەماوە بگاتە 75 دۆلار.

ئەمڕۆ پێنجشەممە 2.1.2025، نرخی یەك بەرمیل نەوتی خاوی برێنت لەگەڵ کردنەوەی بازاڕی جیهانیدا بە 74 دۆلار و 82 سەنت دیاری کراوە و بەراورد بە دوێنێ نرخەکەی 0.18% بەرزبووەتەوە.

هەروەها نرخی یەك بەرمیل نەوتی سووكی تێكساس بە 71 دۆلار و 92 سەنت مامەڵەی پێوە دەکرێت و بەڕێژەی 0.20% بەرز بووەتەوە.

دوای کەوتنی رژێمی سوریا و گۆڕانکارییە خێراکانی ناوچەکە و خواستى وڵاتان، نرخى نەوتى بەرەو خوارەوە برد، بەڵام چەند رۆژێکە روو لە بەرز بوونەوەیە.