پاشماوەی پزیشکی لە ئیدارەی راپەڕین کە ئامادەکراوە بۆ لەنێوبردن. فۆتۆ: تەندروستیی راپەڕین
بەرێگەی زانستی
لە ساڵێکدا 68 تۆن پاشماوەی پزیشکی لە پشدەر و بتوێن لەنێوبراوە
964+
ژووری هەواڵ
لە ماوەی 12 مانگی رابردوودا، 68 تۆن پاشەڕۆی پزیشکی ناوەندە تەندروستییەکانی سنووری پشدەر و بتوێن لە کەرتی تایبەت و گشتی، لەنێوبراون.
ئەمڕۆ دووشەممە 30.12.2024، بەڕێوەبەرایەتیی تەندروستیی راپەڕین رایگەیاند، لەڕێگەی ئامێرەکانی لەناوبردنی پاشەڕۆ پزیشکیەکان بە رێگەی زانستی، لەساڵی 2024 لەسنوری پشدەرو بیتوێن 68 تۆن پاشەڕۆی پزیشکی لەنێوبراون.
تەندروستیی راپەڕین ئامێری تایبەت بە وردکردنی پاشەڕۆ پزیشکییەکانی هەیە، دوای پرۆسەی وردکردن، لە رێگەی ئامێرێکی هەڵمەوە پاشەڕۆکان دەگۆڕدرێن بۆ پاشەڕۆیەکی ئاسایی و دواتر ژێرخاک دەکرێت.
ئەو ئامێرەی کە بەکاردێت پێیدەوترێت Sterilwave 250 و دروستکراوی وڵاتی فەڕەنسا، کە توانای چارەسەرکردنی 50 کیلۆگرام پاشماوەی هەیە لە ماوەی کاتژمێرێکدا.
