لە خولی ئەستێرەكانی عێراق
یاریی نەورۆز و دهۆک شەڕ و ئاژاوەی تێكەوت
964+
دیلان محەمەد-سلێمانی
شەڕ و ئاژاوە لە یاریی نەورۆز و دهۆک روویدا و باس لە بوونی برینداریش دەكرێت، بەشێكی كورسییەكانی یاریگەكەش لە لایەن هاندەرانی دهۆكەوە شكێندران.
ئەم ئێوارەیە یارییەكی دواخراوی نێوان هەردوو یانەی نەورۆز و دهۆك لە خولی ئەستێرەكانی عێراق بە سەركەوتنی یانەی نەورۆز بە 3-1 گۆڵ كۆتایی هات، بەڵام یارییەكە شەڕ و ئاژاوەی تێكەوت.
لەگەڵ ئەوەشدا دەستەی هاندەرانی هەردوولا پێكەوە دەركەوتن و بە مایكی 964یان راگەیاند، ئەوان بران و ئەوەی روویداوە پەیوەندیی دۆستانەی ئەوان تێكنادات.
لە یارییەكەدا، كە لە یاریگەی نەورۆز كرا، گۆڵەكانی نەورۆز ئاسۆ رۆستەم بە پەناڵتی، مەروان حوسێن و ئەحمەد مەحمود تۆماریان كرد، گۆڵی دهۆكیش زانا عادل تۆماری كرد.
بەم ئەنجامە نەورۆز بووە خاوەنی 11 خاڵ و لە پلەی 17یە، یانەی دهۆكیش لە پلەی 10یەمە و 15 خاڵی هەیە.
پێداچوونەوە: ئەرسەلان عەبدوڵا
