لە ئاکرێ
بەهۆی وەرگەڕانی ئۆتۆمبێلێکەوە گەنجێکی 18 ساڵ گیانی لەدەست دا
964+
هیڤی دێوالی-دهۆک
لە سنووری قەزای ئاکرێ بەهۆی وەرگەڕانی ئۆتۆمبێلێک گەنجێکی خەڵکی ئاکرێ گیانی لەدەست دا.
ئەمرۆ شەممە 2024.12.28، لە دورووبەری کاتژمێر 9:30ـی ئەمشە و لەسنووری قەزای ئاکرێ رووداوێکی هاتوچۆ لە جۆری وەرگەران روویداوە هاوڵاتیەک گیانی لەدەستداوە.
ئەو گەنجەی گیانی لەدەستداوە ناوی مەنسور خەلیفەیە و بەبرینداری براوەتە نەخۆشخانە و بەهۆی سەختی برینەکەیەوە گیانیلەدەستداوە.
نێچیرڤان فەخرەدین ،وتەبێژی بەڕێوەبەرایەتی تەندروستی ئاکرێ بە 964ـی وت، بەهۆی رووداوێکی هاتوچۆ لە سنووری قەزای ئاکرێ ، گەنجێکی تەمەن 18ساڵ لە فریاکەوتنی نەخۆشخانەی ئاکرێ گیانی لەدەستداوە.
وتیشی ، تەرمی گەنجەکە رەوانەی پزیشکی دادی ئاکرێ کراوە و دوای پشکنین رادەستی بنەماڵەکە دەکرێتەوە.
پێداچوونەوە: توانا نەقی
