زیانی گیانی نەبووە
سوپای تورکیا بۆردوومانی گوندی وەردەی قەزای چۆمانی کرد
964+
توانا نەقی
لەلایەن فڕۆکەی بێفڕۆکەوانی تورکیاوە بۆردوومانی گوندێکی قەزای چۆمان کراوە کە بە تەواوی نزیک بووە لە ئاوەدانی و هیچ زیانێکی گیانی نەبووە.
کامەران مەلا عوسمان، رێکخەرى تیمى کوردستانى رێکخراوى (CPT)ـى ئەمەریکى بە 964ـى وت، لە کاتژمێر 4:15 خولەکی دوانیوەڕۆی ئەمڕؤ فڕۆکەیەکی بێفڕۆکەوانی تورکیا بۆردوومانی بەرزاییەکانی نەڵمێ لە سنووری گوندی وەردەی سەر بە قەزای چۆمان کرد.
وتیشی، بۆردومانەکە تەواو نزیک بووە لە شوێنی ئاوەدانی و بە دیاری کراوی دوو کیلۆمەتر دوور بووە لە قەزای چۆمانەوە.
ماوەی دوو هەفتەیە فڕۆکە بێفڕۆکەوانەکانی تورکیا بەسەر چیا و بەرزاییەکانی سنوری قەزای چۆمان و گەڵاڵەی باڵەکایەتییدا دەسوڕێنەوە و لە بۆردوومانەکەی ئەمڕۆدا هیچ هاووڵاتییەکی مەدەنی نەبوونەتە قوربانی، کامەران عوسمان وای وت.
