ئەمڕۆ بارانە و سبەینێ هەتاوە

964+

وریا فەتاح

بەپێى پێشبینییەکانى کەشناسى، ئەمڕۆ نمەباران لە هەندێ ناوچەى دهۆک و هەولێر دەبارێت و سبەینێش کەشەکە هەورو هەتاوە.

وەک ئەوەى کەشناسى بڵاوى کردووەتەوە ئەمڕۆ سێشەممە، ئاسمان بەگشتى نیمچە هەور دەبێت، لەگەڵ بارینی نمە باران لە ناوچە شاخاوییەکان و هەندێک ناوچەی سنوورى پارێزگاى دهۆک و پارێزگاى هەولێر لەهەندێ کات.

ئەوەشخراوەتەڕوو کە پلەکانى گەرما کەمێک بەرز دەبنەوە بەراورد بە دوێنێ و خێرایى با لە نێوان 5 بۆ 10 کیلۆمەتر دەبێت لە کاتژمێرێکدا.

لەبارەى رەوشى کەشوهەواى سبەینێش ئەوە روونکراوەتەوە کە بە گشتى ئاسمان ساماڵ و لە هەندێ کات پەڵەهەور دەبێت، پلەکانى گەرما و خێرایى با هەر وەک ئەمڕۆ دەبن.

بەرزترین پلەکانی گەرمای پێشبینیکراو بە پلەی سیلیزی :

هەولێر :18 پلەى سیلیزى

سلێمانی : 17 پلەى سیلیزى

دهۆک : 17 پلەى سیلیزى

کەرکوک : 19 پلەى سیلیزى

هەڵەبجە : 17 پلەى سیلیزى

زاخۆ : 18 پلەى سیلیزى

حاجی ئۆمەران : 10 پلەى سیلیزى

سۆران : 15 پلەى سیلیزى

گەرمیان : 21 پلەى سیلیزى

ئەمڕۆ نابارێت و سبەینێ باران دەستپێدەکاتەوە