لە هەولێر
ئەو شۆفێرەی بە کڵاشینکۆف تەقەی لە شۆفێرێکی تر کرد دەستگیرکرا
964+
شۆڕش قادری
لەناو کۆڵانێکی گەڕەکی نازناز لە هەولێر شۆفێرێک ئاوقای شۆفێرێکی تر دەبێت و بە کڵاشینکۆف تەقەی لێدەکات و برینداری دەکات، پۆلیس دەڵێت، تەقەکەرەکە دەستگیر کراوە.
کارزان ساڵح بەڕێوەبەری راگەیاندنی پۆلیسی هەولێر بە 964ـی وت، “لە گەڕەکی نازناز کێشە و دەمەقاڵێ لە نێوان دوو شۆفێر لە کاتی رۆیشتنیان لەسەر شەقام دروست بووە و دواجار لەناو کۆڵاندا ئۆتۆمبێلەکانیان راگرتووە و توندوتیژی دروست بووە”.
“دواتر یەکێک لە شۆفێرەکان دابەزیوە و بە چەکی جۆری (کڵاشینکۆف) تەقەی لەوەی تر کردووە و برینداری کردووە، جگە لەوەش زیان بەر ئۆتۆمبێلەکەی کەوتووە”، کارزان ساڵح وای وت.
ئاماژەی بەوەشکرد، تەقەکەرەکە بەناوی (س، ف، ع) دەستگیر کراوە و لە کاتی لێکۆڵینەوەشدا دانی بە تاوانەکەیدا ناوە، بۆیە رادەستی دادگا کراوە.
ئاسایشی هەولێر تەقەکەرێکیان دەستگیر کرد
