رێگای حاجی ئۆمەران - وێنە: رێگاوبانی سۆران
رێنمایی رێگاوبانی سۆران بۆ شۆفێران
بەستەڵەکی رێگای حاجی ئۆمەران بە ئاسانی ناتوێتەوە؛ بێ زنجیر هاتوچۆ مەکەن
964+
شۆڕش قادری
رێگای سنووری حاجی ئۆمەران یەکپارچە شەختە و بەستەڵەکە و وەک شووشەی لێهاتووە، بۆیە تا دەتوانی خۆ لەو رێگایە مەدە و ئەگەریش ناچاربووی، بێ زنجیر پیایدا مەڕۆ.
خۆسرەت سادق بەڕێوەبەری رێگاوبانی ئیدارەی سۆران بە 964ـی وت، “بەهۆی ئەو شەپۆلە بەفربارین و سەرمایەی چەند رۆژێکە رووی لە ناوچەکە کردووە، رێگای نێوان چۆمان – حاجی ئۆمەران لە شەواندا دەبەستێت و شەختە و بەستەڵەک دروست دەبێت، بۆیە هاوڵاتیان و شۆفێران، تا بۆیان دەکرێت، لە شەواندا هاتوچۆ نەکەن”.
“هەرچەندە سێ کەمپێکی جێگیرمان لە رێگاکان هەیە و تیمەکانمان بەردەوام خوێ بە جادەکەدا دەکەن، بەڵام بەهۆی سەرما و سۆڵەوە، تواندنەوەی بەستەڵەکی رێگاکە ئاسان نییە و هەندێک جار گرفتی هاتوچۆ دروست دەبێت”، خۆسرەت سادق وای وت.
داوایشی لە شۆفێران کرد، لەم کاتەدا بە بێ زنجیر بە رێگاکەدا هاتوچۆ نەکەن، بۆ ئەوەی تووشی رووداوی نەخوازراو نەبن.
هاتوچۆی گەشتیاران لە مەرزی حاجی ئۆمەران ئاسایی بووەتەوە
بەشێک لە شاخی سەر رێگای بێخاڵ داڕما
