لەم سەیدسادقەی خۆمان

گەنج و ژنیان دەوێ و فێری گۆڕانی کەشوهەوا بۆ کشتوکاڵیان دەکەن

21:51

964+
ئەحمەد مستەفا

لە سەیدسادق و دەوروبەری، رێکخراوی کەمئەندامانی هەڵەبجە، لەسەر پرۆژەی (وەسڵ – سندوقی کۆمەڵگەی مەدەنی) و بە هاوبەشی رێکخراوی نێودەوڵەتی کۆچ (IOM Iraq) پرۆژەیەکی بۆ گەنجان و ژنان هەیە.

پڕۆژەکە ئەمەیە؛ (بەهێزکردنی توانای ژنان و گەنجان بۆ بنیادنانی خۆڕاگریی، بەرامبەر گۆڕانی کەش و هەوا لە رێگەی کشتوکاڵەوە ).

لە چوارچێوەی پرۆژەکەدا چەندین راهێنانی جۆراوجۆر بۆ گەنجان و ژنان ئەنجام دەدرێت. رێکخراوەکە کە وێنەیەکی بڵاوکراوەکەی بۆ 964 ناردووە دەڵێت، ئامانج لە سەرجەمی پرۆژەکە بەرزکردنەوەی توانای خۆڕاگرییە بەرامبەر گۆرانی کەش و هەوا و پاڵپشتی دارایی بەشداربووان.

لە پرۆژەکەدا چالاکی دەستپێک بریتی دەبێت لە راهێنانی تایبەت بە دروستکردنی پەین (پیتمۆز) و هەروەها دروستکردنی شوێنی تایبەت بە دروستیکردنی پەین بە شێوەیەکی سەرەتایی.

راهێنانەکە لەلایەن کەسانی پسپۆڕ و تایبەتمەندەوە دەوترێنەوە و بەشداربووان لە کۆتایی راهێنان بڕوانامەی بەشداربوون وەردەگرن و ئاشنا دەكرێت بە چەند سەرچاوەیەکی زانیاری و گروپی راوێژکاری کشتوکاڵی. هەروەها سەرجەم خەرجی و تێچووی هاتوچۆ بۆ بەشداربووان لەلایەن رێکخراوەوە دابین دەکرێت.

بەشداربوون:
خوازیاران دەتوانن تا 14.12.2024 خۆیان تۆماربکەن، بۆ بەشداریكردن لەو چالاكییە لەم لینكەوە خۆت تۆمار دەکەیت!.
https://docs.google.com/…/1FAIpQLSe8mkAP4KX…/viewform