کۆدی بایۆمەتی بەشێک لە خاوەن پێداویستە تایبەتەکانی سەیدسادق کێشەی هەیە

964+

ژووری هەواڵ

بەڕێوەبەرایەتی چاودێری و گەشەپێدانی کۆمەڵامەتی سەیدسادق، بە لیستێک ناوی دەیان خاوەن پێداویستی بڵاوکردووەتەوە و دەڵێت، کێشە لە کۆدی بایۆمەترییەکەیاندا هەیە.

ئەمڕۆ شەممە 7.12.2024، هێمن محەمەد نەجم، بەرپرسی راگەیاندنی بەڕێوەبەرایەتیی گشتیی چاودێری و گەشەپێدانی کۆمەڵایەتیی سلێمانی بە 964ـی راگەیاند، بەشێک لە خاوەن پێداوستیە تایبەتانەکان کۆدی بایۆمەتریەکەیان کۆنە و کێشەی تێدایە، پێویستە بە زوترین کات سەردانی بەڕێوەبەرایەتی چاودێری و گەشەپێدانی کۆمەڵایەتی سەیدسادق بکەن.

ئەو خاوەن پێداویستە تایبەتانەی کە کۆدی بایۆمەترییەکانیان کێشەی تێدایە ژمارەیان 118 کەسە و دەبێت سەردانی بەڕێوەبەرایەتی چاودێری و گەشەپێدانی کۆمەڵامەتی سەیدسادق بکەن لە گەڕەکی حەسار بەرامبەر مەڵبەندی تەندروستی حەسار، بەمەبەستی دروستکردنی کۆدی نوێ.

پێشتر، بەڕێوەبەرایەتی تۆڕی پاراستنی کۆمەڵایەتی گشتی سلێمانی رایگەیاندبوو، هەموو ئەو هاوڵاتییە خاوەن پێداویستیە تایبەتانەی کە هاوکاری کەمئەندامی وەردەگرن سەردان بکەن و کۆدی بایۆمەتری لەگەڵ خۆیان بهێنن و ئەوانەی کۆدی بایۆمەتریان نیە کارتی نیشتیمانی و ناسنامەی کەمئەندامی بهێنن بەمەبەستی دروستکردنی کۆدی بایۆمەتری، هەر هاوڵاتیەکی خاوەن پێداویستی تایبەت سەردان نەکات هاوکاریەکەی رادەگیرێت.

ئەو خاوەن پێداویستییە تایبەتانەی بایۆمەترییان نییە هۆشدارییان پێ درا