وێنە-سۆشیاڵ میدیا-ئاوارەبوونی ئێزیدییەکان
"فریای ئەو ئێزدییانە بکەون کە لە سووریا لە مەترسیدان"
میری ئێزیدیەکان هانا بۆ نەتەوە یەکگرتووەکان دەبات
964+
ژوولی عەدنان
میری ئێزیدیان لە نامەیەکی کراوەدا بە فەرمی داوای یارمەتی لە ئەنجومەنی ئاسایشی نەتەوە یەکگرتووەکان و کۆمەڵگەی نێودەوڵەتی و حکومەتی عێراق و حکومەتی هەرێمی کوردستان دەکات ئێزدییەکان لە سووریا رزگار بکەن.
حازم تەحسین بەگ میری ئێزیدیەکان لە جیهان لە راگەیاندراوەکەدا دەڵێت ” تا ئێستاش پێکهاتەی ئێزیدی بەدەست زەبر و زۆری جینۆسایدی ئێزیدییەکان دەناڵێنێت کە داعش لە ساڵی 2014 بەسەری هێنان، ئێستاش بە نزیکەی 5000 ئێزدی لە سووریا ماوە”.
باسی لەوەشکردووە کە ئەوان ترسی دووبارەبوونەوەی جینۆسیدی ئێزیدیەکانی هەیە لە سووریا، لەبەرئەوە داوا لە نەتەوە یەکگرتووەکان و کۆمەڵگەی نێودەوڵەتی دەکەن بە زووترین کات بێنەدەنگ و یارمەتی ئەو ئێزیدیانە بدەن کە گیریان خواردووە و لە رێگەیەکەوە رزگاریان بکەن.
میری ئێزیدیەکان داوا لە حکومەتی هەرێمی کوردستان و عێراقیش دەکات یارمەتیان بدەن بۆ ئەوەی ئێزیدییەکانی سووریا بگەیەننە عێراق .
ئەو کەسانەی ماڵ و سامانی ئێزیدییەکانیان تاڵان دەکرد دەستگیرکران
