هەولێر
بەشێكی تایبەت بە کتێبى فەڕەنسى لە زانكۆی كوردستان کرایەوە
964+
ئەرسەلان عەبدوڵا
لە زانكۆی كوردستان لە هەولێر، بەشێكی تایبەت بە كتێبی فەرەنسی كرایەوە، كە زانكۆكە وای داناوە ببێتە سەرچاوەیەكی گرنگی زانیاری بۆ خوێندكاران.
زانكۆی كوردستان ئەمڕۆ دووشەممە 2.12.2024 رێوڕەسمی كردنەوەی گۆشەی كتێبی فەرەنسی لە ناو كتێبخانەی زانكۆكەی كردەوە و لە رێوڕەسمی كردنەوەشدا پارێزگاری هەولێر و باڵیۆزی فەرەنسا لە عێراق و كونسڵی فەرەنسا لە هەولێر و ژمارەیەك كەسایەتی و دیپلۆماتكار و مامۆستا و خوێندكارانی زانكۆكە ئامادەبوون.
زانكۆی كوردستان ڤیدیۆی رێوڕەسمەكەی لە سۆشیال میدیای خۆی بڵاوكردەوە، كە وەك دەردەكەوێت، دەیان كتێبی لە بوارە جیاجیاكان تێدا دانراوە و دەبێتە سەرچاوەی زانستی و کۆرسی خوێندن بۆ خوێندكاران.
زانكۆی كوردستان لە ساڵی 2006 لە شاری هەولێر دامەزراوە.
