وێستگەی غازی کارەبای هەولێر. وێنە:964+
"بەمزوانە"
کارەبای 24 کاتژمێری دەگاتە حەوت گەڕەکی دیکەی هەولێر
964+
ژووری هەواڵ
جێبەجێکردنی پرۆژەی کارەبای 24 کاتژمێری گەیشتووەتەوە حەوت گەڕەکی دیکەی هەولێر و بڕیارە “بەمزووانە” بۆیان دابین بکرێت.
ئەمڕۆ شەممە 30.11.2024، پارێزگای هەولێر رایگەیاند، بڕیارە بەمزووانە گەڕەكەكانی شەهیدانی كوران، بەهاری كۆن، كرێكاران، كوردستان، نەسیج، كوران و رزگاری، كارەبایان بكرێتە 24 کاتژمێرى.
“ئێستا دەست بە چاككردنی پێوەری كارەبای ماڵەكان لەو گەڕەكانە كراوە و هەڵسەنگاندن بۆ جێبەجێكردنی پڕۆژەكە دەکرێت”، پارێزگای هەولێر وا دەڵێت.
ئەو گەڕەکانەی کە پرۆژەکەیان تێدا جێبەجێدەکرێت، بەهۆی کارکردن و کارئاسانی بۆ تیمەکان لە کاتژمێر 8:00ـی بەیانی بۆ 5:00ـی ئێوارە کارەبای نیشتمانی و مۆلیدەیان نابێت.
